दिपेन्द्र के खनालको ‘आमा’ इन्ड क्ल्याप

फिल्म ‘आमा’ को छायांकन सकिएको छ ।  इन्ड क्ल्यापको तस्विर सामाजिक संजाल फेसबुक मार्फत सार्वजनिक गर्दै उनले फिल्मको छायांकन सकिएको जानकारी दिएका हुन् ।  मौसम प्रतिकुलताका कारण फिल्म सकिन लामो समय लागेको हो भने यहि फिल्मका लागि सुरक्षा पन्तले आफ्नो कपाल मुण्डन गरेकी छन् ।

दिपेन्द्र के खनाल निर्देशित फिल्ममा मिथिला शर्मा, सुरक्षा पन्त, देशभक्त खनाल, सरिता गिरी, आशान्त शर्मा, मनिष निरौला, पदम बुढाको मुख्य भूमिका रहनेछ । डीएस डिजिटलको ब्यानरमा निर्माण हुने फिल्मले आमा र छोरीको कथालाई उठान गर्नेछ । नेपालमा बनेको पहिलो फिल्म ‘आमा’को नाम सापटी लिदै तयार पारिएको फिल्मलाई शर्मिला पाण्डेले निर्माण गर्दैछिन् । फिल्म फागुन ९बाट प्रदर्शनमा आउने छ ।