सुर्य चन्दको ‘जुनेली उज्यालोमा’ सार्वजनिक

गीतकार डा. डीआर उपाध्यायको नयाँ गीत ‘जुनेली उज्यालोमा’ सार्वजनिक भएको छ । संचारकर्मी कलाकार तथा म्युजिक भिडियो निर्देशन सुर्य चन्द द्वारा निर्देशित र गायक दीपक लिम्बु र शशी रावलको स्वर, सन्तोष श्रेष्ठको सङ्गीत रहेको गीतको भिडियो सार्वजनिक भएको हो । सञ्चारकर्मी सूर्य चन्दले निर्देशन गरेको भिडियोमा राम बाबु र अपेक्षा खड्काको अनस्क्रिन रोमान्स देख्न सकिन्छ । एलिसा कार्कीको कोरियोग्राफी रहेको गीतमा आफ्नो जोवनलाई फुलसँग तुलना गर्दै जुनको उज्यालोमा लिएर आएको कुरा गरिएको छ । भिडियोलाई अखिल बास्कोटाले छायाँकन गरेका हुन् ।