फ्लोरमा ‘म’

कान्तिपुर फिल्म एकेडेमीले निर्माण गरिरहेको फिल्म ‘म’ फ्लोरमा गएको छ । आईतबार ललितपुरको गोदावारीमा सरिता लामीछाने र डेब्यु नायक सन्जोग रसाईलीको शट लिँदै छायांकन सुरु गरीएको हो ।

फिल्ममा कलाकार तथा पाइलट विजय लामा, समर लभ नायिका रेवती क्षेत्री, मेरी मामु नायिका कुसुम गुरुङ्ग, मारुनी नायिका रेवीका गुरुङ्ग, सँगै अनिल कंडेल, रामबाबु रेग्मी, सुन्दर धिताल, पवन भट्टराई लगायतको अभिनय रहनेछ । फिल्म परिच्छेद सेनले निर्देशन गरिरहेका छन् ।

लामो समय देखी फिल्मका सम्पुर्ण विधामा अध्यापन गराउँदै आएको कान्तिपुर फिल्म एकेडेमीले निर्माण गर्न लागेको यो पहिलो फिल्म हो । यो फिल्म संगै अब देखी हरेक बर्ष एकेडेमीले चलचित्र निर्माण गर्ने र सम्भावना भएका विद्यार्थीहरुलाई अवसर दिने योजना रहेको एकेडेमीका सिईओ प्रकाश पुरीले जानकारी गराए ।

निर्देशक परिच्छेद सेनसँगै ‘म’का सिनेम्याटोग्राफर तेन्जीन पाल्देन, एडिटर सुवीज्ञ सुन्दर श्रेष्ठ लगायत अधिकांश कलाकार र टेक्निसीयनहरु एकेडेमीबाटै फिल्म निर्माण पढेका हुन । यही बर्षको अन्त्य तिर प्रदर्शन गर्ने लक्ष्य राखीएको फिल्म पदम पुरीले निर्माणमा सहयोग गर्दैछन् । आफ्नै विद्यार्थीहरु तथा अन्य कलाकारहरु लिएर एकेडेमीले नै फिल्म बनाउनु आँफैमा महत्वका साथ हेरिएको छ ।