सनुप पौडेलको ‘प्रश्‍न’ सार्वजनिक

गायक सनुप पौडेलको नयाँ गीत सार्वजनिक भएको छ । ‘प्र‌श्न’ बोलको गीतलाई सफर पोखरेलले लेखेका हुन् । गीतको भिडियो अष्ट्रेलियाको सिड्नी वरपर खिचिएको छ । भिडियो राजीव भुषालले उतै तयार पारेका हुन् । अभिनयमा राजीव र मनिषा न्यौपानेलाई देख्न सकिन्छ । यो गीतमा युवा संगीतकार सुशान्त गौतमले संगीत भरेका हुन् भने, संगीत संयोजन गोपाल रसाइलीले गरेका छन् । गीतको शुरूमा सफरको आवाजमा आउने छोटो कविताले गीतको भाव सञ्चारमा झनै ज्यान थपेको छ ।