‘आमा’का लागि सुरक्षाले गरिन् कपाल मुन्डन

नायिका सुरक्षा पन्तले फिल्म आमाका लागि कपाल मुन्डन गरेकी छन् । अभिनयमा सक्षम भनेर चिनिने सुरक्षाले फिल्ममा कथाले मागेको हुनाले मुन्डन गरेको बताइन् । भिन्न भिन्न क्यारेक्टरमा आउन रुचाउने उनले यस अघि हरर फिल्म घरमा अभिनय अभिनय गरेकी थिइन् ।

दिपेन्द्र के खनाल निर्देशित फिल्ममा मिथिला शर्मा, सुरक्षा पन्त, देशभक्त खनाल, सरिता गिरी, आशान्त शर्मा, मनिष निरौला, पदम बुढाको मुख्य भूमिका रहनेछ । डीएस डिजिटलको ब्यानरमा निर्माण हुने फिल्मले आमा र छोरीको कथालाई उठान गर्नेछ । नेपालमा बनेको पहिलो फिल्म ‘आमा’को नाम सापटी लिदै तयार पारिएको फिल्मलाई शर्मिला पाण्डेले निर्माण गर्दैछिन् । फिल्म फागुन ९बाट प्रदर्शनमा आउने छ ।