दिवाकर-नम्रता होला त टिमअप?

फिल्म जाइरा को सेलिब्रेटी शोमा पुगेका चर्चित निर्देशक तथा निर्माता बन्ने लागेका दिवाकर भट्टराईले नम्रता श्रेष्ठको खुलेर तारिफ गरेका छन् ।  फिल्ममा नम्रताको मेहेनत देखिएको उनले बताए ।  शो पश्चात प्रसंसा गरेका उनले सामाजिक संजाल फेसबुकमा स्टाटस समेत राखेका छन् ।
उनले लेखेका छन्,‘ जब Xira हेरे तब देखी नम्रता श्रेष्ठ को झन ठुलो फ्यान भय आज काम गर्ने अबसर जुटेको त छैन तर धेरै script हरु उहलाई imagine गर्दै लेखेको छु …! एउटा राम्रो कलाकार ले चलचित्रमा मा कती फरक पार्दछ भन्ने कुराको लागी जाइरा हेर्न पर्छ !…यदी आगामी दिन मा फरक content का चलचित्र हेर्न चाहनु हुन्छ भने जाइरा हेर्नुस support गर्नुस नत्र यही हो एक दिन नेपाली चलचित्र मोबाईल मा मात्र हेर्ने दिन आउछ #supportnepalimovie#’

उनले आफुले नम्रतालाई सम्झिएर धेरै स्क्रिप्ट लेखेको बताएका छन् ।  उनले फिल्म राम्रो बनाउन कलाकारको भूमिकाको अहम भूमिका रहने भन्दै नम्रता श्रेष्ठसंग काम गर्ने इच्छा ब्यक्त गरेका छन् ।  स्टुपिड मन, एश्वर्य, क्याप्टेन जस्ता फिल्म निर्देशन गरेका निर्देशक दिवाकर भट्टराईले फिल्म‘तिमीसँगै हुने मन छ’ बाट निर्माणमा समेत हात हालेका छन् । उनी पछिल्लो समयका रुचाइएका निर्देशक अन्तर्गत पर्छन्।

नम्रता प्रतेक पटक फरक दिने प्रयास गर्ने कलाकारमा पर्छिन् ।  गहिराइमा गएर नियाल्ने हो भने उनका प्रत्येक फिल्ममा केहि न केही नया प्रयोग गरेको देख्न सकिन्छ ।  फेरी, फिल्म जाइरा मार्फत उनले पनि फिल्म निर्माणमा हात हालेकी छन् ।  तसर्थ रुचाइएका निर्देशक भट्टराई, कलाकार श्रेष्ठको फिल्म दर्शकलाइ प्रतीक्षाको बिषय रहने छ ।