आकाश-श्रृष्टी, सौगात-पूजा साटिएको जोडी

रियल लाइफमा पूजा शर्मा र आकाश श्रेष्ठलाई जोडी भन्नेको ठुलो जमात छ, भलै यी दुई आफ्नो सम्बन्धको बिषयमा मौन छन् ।  साथै श्रृष्टी श्रेष्ठ र सौगात मल्ल त लामो समयबाट प्रेममा छन् ।  चर्चा छ उनीहरु एक साथ बस्ने गर्छन् ।

फिल्म पोइ पर्यो कालेमा यी चार एक साथ काम गर्दै छन् । यसै बीच फिल्मको शिर्ष गीतको छायांकन सकिएको छ । र फिल्ममा रियल लाइफ जोडी साटिएको खबर बाहिरिएको छ । श्रोतका अनुसार उक्त फिल्ममा आकाश-श्रृष्टी एक जोडीको रुपमा देखिने छन् भने सौगात र पूजा पनि फिल्मकै अर्को जोडीको रुपमा छन् ।  फिल्ममा रियल जोडी प्रतीक्षा गरिरहेका दर्शकका लागि भने यो दुखद खबर हुन सक्छ ।  खैर कलाकार भए पछि अभिनय त गर्ने पर्यो नी ।

शिशिर राणाको लेखन तथा निर्देशन फिल्ममा रहेको छ । फिल्ममा सौगात मल्ल, पूजा शर्मा, आकाश श्रेष्ठ, श्रृष्टी श्रेष्ठ, राजाराम पौडेल, सोहित मानन्धर, विन्दा खतिवडा, जयनन्द लामा लगायतका कलाकारको अभिनय छ । शिव ढकालको छायांकन रहने फिल्ममा सुवाष भुषाल र पुरुषोत्तम न्यौपानेको संगीत, कविराज गहतराज, रामजी लामिछाने र रविन शाहको कोरियोग्राफी छ । फिल्ममा तारा प्रकाश ‘किम्भे’को सम्पादन रहेको  छ । दिपक मनाङ्गे र देवी राइको लगानी रहेको फिल्ममा किरण नेपाली कार्यकारी निर्माताको रुपमा छन् । फिल्म कात्तिक ८ गतेबाट प्रदार्शनमा आउने छ ।