फिल्म ‘चपली हाइट ३’ मा स्वस्तिमा खड्का

कलाकार स्वस्तिमा खड्का फिल्म ‘चपली हाइट ३’ मा अनुबन्धित भएको खबर बाहिरिएको छ । उनले फिल्म बुलबुल मार्फत प्रसंसा बटुले पनि हालै प्रदर्शनमा आएको फिल्म ‘हजार जुनी सम्म’ मा न त उनको अभिनयको तारिफ भयो न त बक्स अफिसमा नै तहल्का पिट्न सक्यो ।

अब उनी चपली हाइट ३ मा आएकी छन् । जसको पहिलो पार्टले बक्स अफिसमा राम्रो ब्यापार गरे पनि दोश्रो पार्ट फ्लप भएको थियो । यो दुवै फिल्म दिपेन्द्र के खनालले निर्देशन गरेका थिए । आब तेस्रो पार्ट भने निकेश खड्काले निर्देशन गर्दै छन् । फिल्मका लागि सौगात मल्ल, श्रीस्टी श्रेष्ठ, प्रतिक श्रेष्ठर अमिर गौतम फाइनल भएका छन् । दशैँ पछी छायांकनमा जाने फिल्मको निर्माण अर्जुन कुमारले गर्दै छन् । अर्जुन र निकेशको फिल्म ‘फाटेको जुत्ता’ पछि यो दोश्रो पटकको टिमअप हो ।