पुष्प र रेविका श्रीमानश्रीमती : मारुनीको लोक लयको गीत सार्वजनिक

भदौ १३बाट प्रदर्शनमा आउने फिल्म मारुनीको लोक लय को गीत ‘हाने मैले झटारो’ सार्वजनिक भएको छ । सार्वजनिक गीतले फिल्ममा पुष्प खड्का र रेविका गुरुङ श्रीमान श्रीमती भएको प्रस्ट्याएको छ । यी दुइ फिचार्ड रोमान्टिक सैलिको गीतमा अन्जु पन्त र कृष्ण काफ्लेको स्वर रहेको छ । पुरुषोत्तम ढुंगेल र कृष्ण काफ्लेले लेखेको गीतमा कृष्णकाफ्लेको नै संगीत रहेको छ । राजन इशानको संगीत संयोजन रहेको गीतको कोरियोग्राफी बिक्रम लामा र एन्जिला खत्रीले गरेका छन् ।

पुनम इन्टरटेन्मेन्टको ब्यानरमा पुनम गौतमको निर्माण रहेको फिल्ममा नायिका साम्राज्ञी राज्यलक्ष्मी शाह, पुष्पल खड्का , रेविका गुरुङ लगायतको मुख्य भूमिका रहेको छ । नवल नेपालको निर्देशन रहेको फिल्ममा अर्जुन श्रेष्ठ ,आयुश प्रधान, बिनोद भट्टराई , सम्पदा बानियाँको अभिनय रहेको छ । फिल्ममा अर्जुन पोखरेल र कृष्ण काफ्लेको संगीत रहेको छ ।