‘प्रेमगीत ३’ को शीर्ष गीतमा प्रताप दास र प्रविशा अधिकारीको स्वर

सफल फिल्म प्रेमगीतको तेस्रो सिक्वेल ‘प्रेमगीत–३’को शीर्ष गीतको रेकर्डिङ रेडियो नेपालमा भएको छ । ८० जना बढी बाद्यबाधक, कलाकारहरुको सहभागितामा रेकर्डिङ कार्य सम्पन्न गरिएको निर्माता तथा निर्देशक सन्तोष सेनले बताए । निर्माता सेनका अनुसार सामूहिक आवाजका लागि कलाकार शिव श्रेष्ठ, प्रदीप खड्का, क्रिस्टिना गुरुङ, निर्देशक छेतेन गुरुङ र सन्तोष सेन लगायत रेडियो नेपाल पुगेका थिए । आकेष्ट्रा साहितको बाद्यबाधकको संलग्नतामा रेकर्डिङ गरिएको गीतलाई प्रताप दास र प्रविशा अधिकारीले आवाज दिएका छन् । राजेश कुमारको शब्दमा गीतलाई एलिश कार्कीले संगीत संयोजन गरेका हुन्।

दशैं लगत्तै छायांकनमा जाने ‘प्रेमगीत–३’मा शिव श्रेष्ठ, सुनिल थापा, प्रदीप खडका,कृष्टिना गुरुङ, सन्तोष सेन, पुष्कर कार्की, प्रेम पुरी, अनुभव रेग्मी, समृद्धी शाही ठकुरी, माओत्से गुरु, लक्ष्मी बर्देवा लगायत कलाकारहरुको भूमिका रहनेछ । फिल्मलाई निर्माता तथा कलाकार सन्तोष सेन र छेतेन गुरुङले संयुक्त रुपमा निर्देशन गर्दैछन् । फिल्मको कथा निर्देशक गुरुङ र मन्दिप गौतमले लेखेका हुन्। ‘प्रेमगीत–३’ नयाँ वर्षको अवसरमा चैत २८ गतेबाट प्रदर्शनमा आउने छ ।