फ्राइडे रिलिज अन्तर्गत सोलो रिलिज ‘जाइरा’

फिल्म ‘जाइरा’ आज भदौ छ शुक्रबारबाट प्रदर्शनमा आएको छ । मिक्स मार्सल आर्ट खेल र खेलाडीको वरपर कथा घुम्ने फिल्मको मुख्य भूमिकामा नम्रता श्रेष्ठ रहेकी छन् । भने यहि फिल्ममार्फत ३नयाँ कलाकारले डेब्यु गरेका छन् । फिल्मका निर्देशक पनि नयाँ नै रहेका छन् । यो हप्ता एक मात्रै नेपाली फिल्म प्रदर्शनमा आएको हो ।

फिल्ममा नम्रतासँगै अनुप बिक्रम शाही, प्रमोद अग्रहरी, रेमन दास श्रेष्ठ सहित नव-कलाकारहरु श्रृजना रेग्मी, सुजता श्रेष्ठ र सम्राट मगरको प्रमूख अभिनय रहेको छ । नव अभिनेत्री रेग्मी पनि फिल्ममा खेलाडीको रुपमा रहेकी छिन् । नव अभिनेता मगर नम्रताको कोचको भूमिकामा छन् । एक्शन प्रधान ‘जाईरा’लाई आँशुतोष राज श्रेष्ठले निर्देशन गरेका छन् । पटकथाकार निर्देशक श्रेष्ठ र निरोज महर्जन हुन् । यो फिल्म कटामरी फिल्म्सको सहकार्यमा नम्रता श्रेष्ठ प्रोडक्शन र ट्रेन्डसेटर्स प्रा.लि.को प्रस्तुतीमा बनेको हो । प्रशन्न गोपाली कार्यकारी निर्माता रहेको ‘जाईरा’लाई लोकेश बज्राचार्यले सम्पादन गरेका छन् । कल्याण सिंह, डिजे राजु र टम्ब्लीविडको संगीत रहेको फिल्ममा सम्राट बस्नेतको द्वन्द्व निर्देशन रहेको छ भने द्वन्द कोरियोग्राफी राउल मोक्तान र मेघवार चेम्जोङको छ । यसमा केशव थापाको नृत्य निर्देशन छ । डि.ओ.पी. बाबु श्रेष्ठको रहेको छ ।