‘फिल्म’ पासवर्ड को प्रिमियरमा सन्नी लियोनी आउने पक्का

भारतीय अभिनेत्री सन्नि लियोनी फिल्म ‘पासवर्ड’ को प्रमोसनका लागि नेपाल आउने भएकी छन् । उनले यस फिल्मको लागि एक आइटम गीतमा नृत्य गरेकी छन् । सामाजिक संजालमा एक भिडियो सेयर गर्दै उनले फिल्मको प्रिमियरका लागि नेपाल आउन लागेको बताएकी छन् । सेप्टेम्बर ११ तारिख अर्थात भदौ २५मा काठमाडौंमा हुने ग्राण्ड प्रिमियरका साथै उनले फिल्म प्रमोसनमा समेत साथ दिने छिन् ।  उनी ३दिन सम्म नेपालमा नै बस्ने छिन् । फिल्म भदौ २७बाट प्रदर्शनमा आउने छ ।

एक्सन थ्रिलर जनराको फिल्ममा अनुपबिक्रम शाहि, बिक्रम जोशी (विक्की), बुद्धि तामाङ, छुल्ठिम गुरुङ, बिक्रान्त बस्नेत, रविन्द्र झा, प्रविण खतिवडा, लिशा सुनार, परि राना लगायतको अभिनय रहेको छ । सौरभ लामाको छायाँकन रहेको फिल्मलाई बिक्रम जोशी, हिरल जोशी र अमित बस्नेतले निर्माण गरेका हुन् । फिल्मको अधिकांस छायाँकन लण्डनमा गरिएको छ । फिल्म सम्राट बस्नेतको निर्देशनमा बनेको छ ।