यस्तो बन्दैछ कमेडी च्याम्पियनको सेट

नेपालको पहिलो कमेडी बेस्ड रियालिटी शो ‘कमेडी च्याम्पियन’ को प्रशारण मिति नजिकिंदै गर्दा हामीले उक्त कार्यक्रमको सेटको फोटो प्राप्त गरेका छौं । नेपाली सभ्यता र संस्कृतिलाई मनन गर्दै बनाएको जस्तो देखिने यो सेटमा दरबारिया लूक दिने प्रयास गरेको देखिन्छ। झट्ट हेर्दा उपत्यकाको कुनै दरबार स्क्वायर जस्तो देखिने यो सेट निर्माण सम्पन्न भएपछी भव्य देखिनेमा कुनै संका छैन।

सेटको दाइने र देव्रे दुई कुनामा एकतले दरबार बनाइएको छ भने बिचमा दुई तल्ले भवन निर्माण गरिएको छ । सेटको मध्य भागमा प्रतिस्पर्धीलाई प्रस्तुति दिन शुद्ध नेपाली शैलीको डबली निर्माण गरिने सेट डिजाइनर राजु पेन्टर बताउंछन्। नेपालमा संचालनमा आएको अधिकांश रियालिटी शोका सेट डिजाइनर रहेका राजु पेन्टरले नेपालीपन बोकेको र कुनै पनि लेड प्रयोग नगरी बनाएको सम्भवत: नेपालकै सबैभन्दा भव्य सेट हुने दावी गरेका छन् ।

कमेडी च्याम्पियन ऐले डिजिटल अडिसन समाप्त गर्दै फिजिकल अडिसनमा जाने तयारीमा छ। कार्यक्रम असोजको पहिलो साताबाट कान्तिपुर टिभी र रेडियो-अडियोमा एकैसाथ प्रशारण हुँदैछ। डिजिटल अडिसनबाट निकै उत्साहित बनेको निर्माण टोली कार्यक्रमको भव्यतालाई लिएर निकै कन्फिडेन्ट देखिएको छ। केकी अधिकारी, राज घिमिरे, श्रिजय थपलिया र बिशाल भण्डारीले संयुक्त रुपमा निर्माण गरेको शोलाई बिशाल भण्डारी स्वयमले निर्देशन गर्दै छन ।

कार्यक्रमको संगीतको काम अर्जुन पोखरेलले गरिरहदा सन्तोष पन्त, मनोज गजुरेल, प्रदीप भट्टराई र ऋचा शर्माको जज-प्यानल कार्यक्रमको अर्को आकर्षण भन्न सकिन्छ।