‘कमेडी च्याम्पियन डिजिटल अडिसन’ अब तीन दिन बाकी

नेपालकै सबैभन्दा ठुलो कमेडी रियालिटी शो कमेडी च्याम्पियनको डिजिटल अडिसन समाप्त हुन अब मात्र तिन दिन बाकि रहेको छ । आफुहरुले सोचेको भन्दा पनि राम्रो र अत्यधिक अडिसनहरु आएकोमा सम्पूर्ण टिम नै निकै उत्साहित भएको, निर्माण टिमले जानकारी दिएको छ । साथै डिजिटल अडिसन सक्किने बितिक्कै कमेडी च्याम्पियानको टिम फिजिकल अडीसनका  लागि देशभरिका विभिन्न शहरहरुमा जानका लागि आफुहरु तयार रहेको जानकारी पनि निर्माण टिमले दिएको छ ।

निर्माता केकी अधिकारीले  आफुहरुले कुनै पनि किसिमको सम्झौता नगरी यस शोको भव्यतालाई सम्भवतः नेपालकै सबै भन्दा ठुलो र अन्तरास्ट्रीय स्तरको बनाउन आफुहरु लागि परेको जानकारी दिइन साथै अब को दुइ सातामा सेट निर्माण कार्य सम्पन्न हुने जानकारी पनि उनले दिइन् । कमेडी च्याम्पियन, कान्तिपुर एच डि टेलिभिजनमा अशोज महिनादेखि साताको सोमबार र मंगलबार राति नौ बजे देखि दस बजेसम्म प्रसारण हुने छ ।