सुशील श्रेष्ठ स्टारर फिल्म ‘बादशाह जुट’ पोष्टर

फिल्म बादशाह जुट को अफिसियल पोस्टर सार्वजनिक भएको छ ।  पोस्टरमा फिल्मका मुख्य कलाकार सुशील श्रेष्ठको बिल्कुल फरक रुप देख्न सकिन्छ ।  यहि कार्तिक १ बाट प्रदर्शनमा आउने फिल्मको एक गीत ‘काफल पाक्यो’ यस अघि नै सार्वजनिक भएको छ ।

फिल्ममा सुशीलको साथमा आमिर गौतम, रोषी खड्का, केइषा रावत, रश्मि पाण्डे, रोबिन तामाङ, दीपक क्षेत्री, कमलमणि नेपाल र अतिथि भूमिकामा प्रियंका कार्कीको अभिनय रहेको छ ।  फिल्मको कथा तथा निर्देशन जोनी सिंह रानाको रहेको छ भने लेखन अभिषेक शशि कुमारको छ ।  फिल्ममा संगीत कृष्ण भारद्वाज र कोशिस क्षेत्रीले गरेका छन् ।  फिल्ममा कोरियोग्राफर विक्रम स्वाँर, एक्सन डिरेक्टर राजकुमार उप्रेती, डिओपी राजु कार्की र सम्पादक दिर्घ खड्का रहेका छन् ।  एच एण्ड बी फिल्मको प्रस्तुतिमा गोल्डेन ग्राफिक्स फिल्मस् एण्ड इन्टरटेनमेन्टको सहकार्यमा निर्माण भएको फिल्मको निर्माता निर्माता हर्क बहादुर कुँवर (पिटर) र भोजराज श्रेष्ठ (मिकी) रहेका छन्।