फिल्म ‘आमा’ संग एक साथ प्रदर्शन हुदै ‘दयारानी’

फिल्म दयारानीको प्रदर्शन मिती परिवर्तन भएर सात महिना पछाडी सरेको छ । यही जेठ १० गते प्रदर्शनमा आउने भनिएको फिल्मको प्रदर्शन मिती पछी सर्दै साउन ३० पुगेकोमा अब फिल्म फागुन ९ गतेलाई मिति टिकेको छ । यो संगै फिल्म ‘दयारानी’ दिपेन्द्र के खनाल निर्देशित फिल्म ‘आमा’ संग जुध्ने भएको छ ।

अभिनेता दयाहाङ राई र अभिनेत्री दीया पुनको मुख्य भूमिका रहेको दयारानीमा खराब श्रीमान् र दयालु श्रीमतीको कथा समेटिएको छ । फिल्ममा बिजय बराल, पुष्कर गुरुङ, डिबी गुरुङ, प्रमिश गुरुङ, शिरिसा कुवर, नयन गुरुङ, टिका राम घले, कृष्टि गुरुङ लगायतको समेत अभिनय रहेको छ । शैलेन्द्र डि. कार्कीको छायांकन, राजन राज सिवाकोटी र बिनोद बानियाको संगीत, बिक्रम स्वारको कोरियोग्राफी रहेको फिल्ममा राजेन पुवेर र नेमिष श्रेष्ठको सम्पादन रहेको छ । राम बाबु गुरुङ र अपिल त्रिपाठी कार्यकारी निर्माता रहेको फिल्मलाई हङकङमा रहेका ब्यवसायी मोहन (टिला) गुरुङसंगै किरण गुरुङ, केन्द्र लिम्बु, मेजर खुसीमान गुरुङ, क्याप्टेन सुरेन्द्र गुरुङ, क्याप्टेन प्रकाश गुरुङले संयुक्तरुपमा निर्माण गरेका हुन् । यसअघि फिल्मको हङकङमा प्रिमियर सम्पन्न भइसकेको छ । फिल्ममा माओत्से गुरुङको लेखन तथा निर्देशन रहेको छ ।