‘रातो टिका निधारमा’ को फितलो सुरुवात

दशैंबाट प्रदर्शनमा आउने फिल्म ‘रातो टिका निधारमा’ ले प्रचार सुरु गरेको छ ।  प्रचार को सुरुवात नै फितलो देखिएको छ ।  पहिलो सामाग्री स्वरूप सार्वजनिक गीत ‘मेरो माया के हो मा’ न त नृत्यमा नयाँपन छ न त गीतमा नै दम ।  डाडाकाडा घुम्दै डुंगामा नाच्दैमा गीत सकिएको छ ।  अशोक शर्माको फिल्म र डेब्यु कलाकार अंकित शर्माबाट दर्शकले अपेक्षा राखे पनि अपेक्षा पुरा नभएको देखिन्छ । फिल्म निर्माणको सुरुवाती दिनमा चर्चा भए झैँ ठुलो रकममा साम्राज्ञीलाइ अनुबन्धित गरि अशोकले छोरालाई फिल्ममा डेब्यु गराएको चर्चा सहि हुने सम्भावना बढेको छ ।  साथै स्टारकिड फिल्ममा भनेर शो लिस्टमा अर्को नाम थपिए पनि पहिला झैँ प्रस्तुति फितलो नै रहेको छ ।  फिल्म अध्ययन गरेका अंकितको अभिनयमा दम नै देखिएन । पहिले नै धेरै फिल्मबाट अफर आए पनि आफुलाई निखारेर मात्रै अभिनयमा आउने चाहना ब्यक्त गरेका शर्मालाई अफर गरिएका फिल्ममा उनी नभएकोमा निर्माता पक्कै दुखी हुने छैनन् ।

अशोक शर्माको लेखन तथा निर्देशन रहेको फिल्ममा डेब्यु नायक अंकित उनकै छोरा हुन् । फिल्म किरण शर्मा र कृति शर्माले निर्माण गरेका हुन् । पुरुषोत्तम प्रधानले खिचेको फिल्म मित्र देव गुरुङले सम्पादन गरेका हुन् । फिल्ममा साम्राज्ञी  र अंकित संगै नीता ढुंगाना, खुस्बु खड्का, बसुन्धरा भुसाल, रविन्द्र झा, शिव हरी पौड्याल, लक्ष्मी गुरुङ लगायतको अभिनय छ ।