‘बाहुबली’ का कलाकार पक्राउ

‘बाहुबली’ का कलाकार मधुप्रकाशलाई प्रहरीले पक्राउ गरेको छ । उनलाई पत्नीको आत्महत्या प्रकरणमा प्रहरीले पक्रिएको हो ।  उनकी पत्नी भारतीले घरमा पासो लगाएर आत्महत्या गरेकी थिइन् । प्रहरीले मधुप्रकाशलाई दाइजो उत्पीडन मामिलामा पक्राउ गरेको हो ।

भारतीका बाबुले मधु प्रकाशविरूद्ध दाइजो उत्पीडनका कारण छोरीले आत्महत्या गर्न विवश भएको उजुरी दिएपछि उनी पक्राउ परेका हुन् । भारतीले मधुलाई यसैकारण फोनमा आत्महत्या गर्ने धम्की दिदैं आएकी थिइन् । मधुले जिमबाट फर्किदा पत्नीलाई झुण्डिरहेको अवस्थामा भेट्टाएका थिए । आत्महत्याको कारण दाइजोका साथमा मधुको सहकर्मी कलाकारसँगको निटक सम्बन्धको शंकाका कारण पनि घटेको हुनसक्ने प्रारम्भिक अनुमान छ । यी दुईले सन् २०१५ मा विवाह गरेका थिए।