फिल्म ‘रिजन अफ रिया’ निर्माण हुदै

मिलन आले मगरको निर्देशनमा फिल्म ‘रिजन अफ रिया’ निर्माण घोषणा गरिएको छ । धनेश्वर फिल्मस् प्रालीको व्यानरमा निर्माण हुने फिल्मको मंगलबार राजधानी स्थित गुञ्जन स्टुडियोमा एक गीत रेकर्ड समेत गरिएको छ । विकास चौधरीको संगीत रहने गीतमा अन्जु पन्तले स्वर भरेकी छन् । उक्त गीतको शब्द गीतकार हरी उप्रेतीले रचना गरेका हुन् ।

साउन ३० गतेबाट फ्लोरमा जाने तयारीमा रहेको फिल्मकोको प्रि प्रोडकसनको काम भैरहेको छ । फिल्ममा कसिस दाहाल, नविन अधिकारी, करण सिंह बोहरा, विकास थापा मगर लगायतका कलाकारको अभिनय रहने छ । देव महर्जनको द्धन्द्व निर्देशन, यम आले मगरको छायाँकन, खामेश श्रेष्ठ मुख्य सहायक निर्देशक रहने फिल्मको छायाँकन काठमाडौं र मुस्ताङको जोमसोममा गरिनेछ ।