सिस्टम बिरुद्धको आवाज जाइरा ट्रेलर

राजधानीमा एक कार्यक्रमका बीच फिल्म जाइराको ट्रेलर सार्वजनिक भएको छ ।  ट्रेलरमा नम्रता मार्सल आर्ट खेलाडी को भूनिकामा छिन् ।  उनका पुलिस अफिसर श्रीमान अनुप बिक्रम शाही रहेका छन् ।  फिल्ममा नकारात्मक भूमिकामा प्रमोद अग्रहरी ‘राजा’ र सृजना रेग्मी ‘बुलेट’ रहेका छन् ।  फिल्म भदौ ६बाट प्रदर्शनमा आउने छ ।

फिल्ममा नम्रता श्रेष्ठ, अनुप बिक्रम शाही, प्रमोद अग्रहरी, रेमन दास श्रेष्ठ सहित नव-कलाकारहरु श्रृजना रेग्मी, सुजता श्रेष्ठ र सम्राट मगरको प्रमूख अभिनय रहेको छ । एक्शन प्रधान ‘जाईरा’लाई आँशुतोष राज श्रेष्ठले निर्देशन गरेका छन् । पटकथाकार निर्देशक श्रेष्ठ र निरोज महर्जन हुन् । यो फिल्म कटामरी फिल्म्सको सहकार्यमा नम्रता श्रेष्ठ प्रोडक्शन र ट्रेन्डसेटर्स प्रा.लि.को प्रस्तुतीमा बनेको हो । प्रशन्न गोपाली कार्यकारी निर्माता रहेको ‘जाईरा’लाई लोकेश बज्राचार्यले सम्पादन गरेका छन् । कल्याण सिंह, डिजे राजु र टम्ब्लीविडको संगीत रहेको यो फिल्ममा सम्राट बस्नेतको द्वन्द्व निर्देशन रहेको छ भने द्वन्द कोरियोग्राफी राउल मोक्तान र मेघवार चेम्जोङको छ । यसमा केशव थापाको नृत्य निर्देशन छ । डि.ओ.पी. बाबु श्रेष्ठको रहेको छ ।