बिहिवारबाट प्रदर्शनमा आउला त ‘हजार जुनी सम्म’ ?

विकास राज आचार्य निर्देशित फिल्म हजार जुनी सम्म प्रदर्शनको क्रममा रहेको छ । फिल्म साउन ३० विहिवारबाट आउने निर्माण टिमले बताउदै आएको छ । तर चलचित्र विकाश वोर्डले फिल्म शुक्रबारविना कुनै पनि हालतमा फिल्म प्रदर्शनमा आउन नदिने बताउदै आएको छ । उक्त समय कुनै अरु फिल्म प्रदर्शनमा आउदै भने छैन । अब फिल्म उक्त फिल्म प्रदर्शनमा आउछ आउदैन समयले बताउला ।

फिल्ममा आर्यन सिग्देल, स्वस्तिमा खड्का, प्रियंका कार्की, संचिता लुइँटेल , अनुभव रेग्मी, सलोन बस्नेतलगायतका कलाकारहरुको अभिनय छ । नाई नभन्नु ल सिरिजका निर्देशक विकासराजको निर्देशन रहेको फिल्मको पटकथा सामिप्यराज तिमल्सेनाले तयार पारेका हुन् । फिल्ममा उदयराज सोताङ्ग, राजनराज सिवाकोटी, बसन्त सापकोटा र प्रविन पौडेलको संगीत, अर्जुन जिसीको सम्पादन छ । कविता रेग्मी फिल्मकी कार्यकारी निर्माता हुन् भने यसमा विशाल चाम्लिङ निर्माता छन् ।