डिस्कभरी च्यानलमा देखिदै भारतीय प्रधानमन्त्री मोदी

डिस्कभरी टेलिभिजन च्यानलको चर्चित शो ‘म्यान भर्सेस वाइल्ड’ मा भारतीय प्रधानमन्त्री नरेन्द्र मोदी देखिने भएका छन् । शोका स्टार बेयर ग्रिल्सले आफ्नो ट्विटर एकाउण्टमार्फत उक्ता कुरा सार्वजनिक गरेका हुन् ।आउँदो अगस्ट १२ मा विश्व बाघ दिवसका अवसरमा  प्रसारण हुने कार्यक्रममा भारतीय प्रधानमन्त्री नरेन्द्र मोदी विशेष भूमिकामा देखिने बताएका छन् । कार्यक्रममा भारतीय प्रधानमन्त्री नरेन्द्र मोदीसँग वन्यजन्तु संरक्षणका उपायहरुका बारेमा विशेष कार्यक्रमको छायाकंन गरिएको छ ।

बेयर ग्रिल्सले ट्वीटमा लेखेका छन्, ‘१८० देशका नागरिकले छिट्टै नै प्रधानमन्त्री मोदीको फरक पाटो देख्न पाउनेछन् । प्रधानमन्त्री मोदीले वन्यजन्तु संरक्षणका लागि जागरुकता अभियान र वातावरणीय परिवर्तनका बारेमा कुरा गर्दै हुनुहुन्छ । अगस्ट १२ मा बेलुका ९ बजे म्यान भर्सेस वाइल्डमा प्रधानमन्त्री नरेन्द्र मोदीसँगको विशेष कार्यक्रम नछुटाउनुहोला ।’ उनले #PMModionDiscovery लेखेका छन् ।