अशिन पौडेलको डेब्यु निर्देशनमा फिल्म ‘आधा सुर’ बन्ने

फिल्म ‘आधा सुर’ निर्माण हुने भएको छ । मंगलबार राजधानीमा एक कार्यक्रमका बीच अशिन पौडेलको निर्देशनमा बन्ने फिल्मको औपचारिक निर्माण घोषणा गरिएको थियो । भदौ दोस्रो साताबाट छायांकन सुरु हुने फिल्म काठमाडौंमा र पोखरामा खिचिनेछ ।

फिल्म क्रिउ नेपाल र ब्यास मोशन पिक्चर्सको ब्यानरमा निर्माण हुने फिल्मको कथा सौरभ कार्कीले तयार पारेका हुन् । उनलाई निर्देशक पौडेलले सघाएका छन् । विष्णु घिमिरे ‘कल्पित’ ले फिल्म छायांकन गर्ने छन् । रोशनराज थापाको संगीत रहने ‘आधा सुर’ लाई केशव रानाले सम्पादन गर्नेछन् । फिल्ममा अर्पण थापा, प्रविण खतिवडा, शिशिर बाङ्देल, सरिता गिरी, दीलिप रानाभाट, बविता मल्ल, सुरज विष्ट, सुभांगम पराजुलीको अभिनय रहनेछ । यो फिल्मबाट मोहन जैशीले डेब्यू गर्दैछन् । निर्देशक पौडेलका अनुसार, फिल्मका लागि एक अभिनेत्रीको खोजी भइरहेको छ । उनले केही दिनमा लिड अभिनेत्रीको टुंगो लाग्ने बताए ।