‘लक्का जवान’ मा वर्षा सिवाकोटी ?

शिवहरी पौडेलको डेब्यु निर्देशनमा बन्न लागेको फिल्म ‘लक्का जवान’मा नायिका बर्षा सिवाकोटी मुख्य कलाकार हुने चर्चा चलेको छ । हाल फिल्म ‘बिर विक्रम २’ प्रदर्शनको लागी सिवाकोटी जापानमा भएकोले लिखित सम्झौता हुन नसकेको चर्चा छ ।

निर्माता तथा कलाकार किरण केसीको जन्मदिन पारेर केही समय अगाडी लक्का जवान निर्माण घोषणा गरिएको थियो । आमा बंगालमुखी फिल्म प्रोडक्सन प्रालिको व्यानरमा यो फिल्म बन्ने छ । पारिवारिक तथा कमेडी कथामा बन्न लागेको फिल्ममा ध्रुव पन्त र अनुसुया श्रेष्ठ पन्तको लगानी रहने छ भने सह–निर्मातामा किरण केसी, दिलिप रायमाझी र शिवहरि पौड्याल रहेका छन् ।