‘पासवर्ड’ पोस्टरमा सन्नीको स्याडोमा अन्य कलाकार

फिल्म पासवर्डको पोस्टर सार्वजनिक भएको छ । सार्वजनिक एक पोस्टरमा फिल्मका मुख्य कलाकार अनुप बिक्रम शाही छन् भने अर्को पोस्टरमा आइटम गीतमा मात्रै अटाएकी भारतीय अभिनेत्री सन्नी लियोनीको स्याडोमा फिल्मका अन्य कलाकार छन् ।

नायक अनुप बिक्रम शाही मुख्य भूमिका रहेको फिल्म यहि भदौ २७ बाट प्रदर्शनमा आउने छ । फिल्मलाई बिक्रम जोशीले निर्माण गरेका हुन् । अमित बस्नेत र हिरल जोशीको समेत लगानी रहेको फिल्ममा छुल्ठिम गुरुङ, बुद्धि तामाङ, बिक्रान्त बस्नेत, रविन्द्र झा, प्रविण खतिवडा, लिशा सुनार, परि राना लगायतको अभिनय रहेको छ । फिल्ममा सन्निले एक आइटम दृश्य दिएकी छन् । एबि इन्टरटेन्मेन्टको ब्यानरमा बनेको फिल्मलाई सौरभ लामाले खिचेका छन् भने कोरियोग्राफी रामजी लामिछानेको रहेको छ ।