‘अमर भावना २’ संगै सहिमाको तीज गीत सार्वजनिक

तीज नजिकिँदै गर्दा गायिका सहिमा श्रेष्ठको तीज गीत ‘हर हर महादेव’को भिडियो राजधानीमा एक कार्यक्रमका बीच सार्वजनिक गरिएको छ । गीतमा अमर वान्तु शब्द तथा चर्चित संगीतकार सन्तोष श्रेष्ठको संगीत रहेको छ । कृष्ण पुनको एरेञ्ज रहेको गीतको भिडियोमा अभिनेत्री नीता ढुंगाना र गायिका फिचर्ड छन् । गीतको भिडियोमा अभिनेत्री पवित्रा आचार्यको निर्देशन छ भने उनकै कोरियोग्राफी रहेको छ । सुप्रिम पराजुलीको सम्पादन रहेको भिडियोलाई दिव्य सुवेदीले खिचेका हुन् । गीतमा नृत्य गर्ने कलाकारलाई सिल्क फेशनले पहिरन उपलब्ध गराएको छ ।

सोही कार्यक्रममा तीज गीतसँगै आधुनिक गीति संग्रह ‘अमर भावना २’को विमोचन गरिएको थियो । कार्यक्रममा उक्त एल्बममा समावेश एक आधुनिक गीतको भिडियो समेत देखाईएको थियो । हाल तीज गीतलाई मात्र इन्टरनेटमा रिलीज गरिएको छ भने आधुनिक गीत केहि दिनमा सार्वजनिक गरिने बताईएको छ । बसन्त निरौलाको निर्देशन तथा पवित्रा आचार्यको कोरियोग्राफी रहेको ‘तिम्रो शहर’ बोलको गीतमा गायिका सहिमा श्रेष्ठको स्वर तथा दिपक शर्माको संगीत छ भने गीतकार अमर वान्तुका शब्द छन् । गीतको भिडियोमा नायक अनुप बिक्रम शाही र नायिका आँचल शर्माको अभिनय छ । विमोचन समारोहमा पूर्वमन्त्री एवं गीतकार एस.पि. कोईराला प्रमूख अतिथी थिए भने बरिष्ठ गीतकार राजेन्द्र थापा, चलचित्र निर्देशक दिपाश्री निरौला लगायतका व्यक्तित्वहरुको साथै संचारकर्मीहरुको उपस्थिती थियो ।