कलाकारलाई २०लाख निर्मातालाई ५, मज्जा आउदैन नी!

अभिनेत्री स्वस्तिमा खड्काले पारिश्रमिकको बिषयमा बोलेकी छन् । सामान्य तया उमेर र पारिश्रमिक खुलाउन नहुने भन्दै उनले आफ्नो पारिश्रमिकको बिषयमा कसैले पनि थाहा नपाउने बताइन् । उनले भनिन्,’के सोचेर आफ्नो पारिश्रमिक भन्छन् खै । मेरो चै कसैले थाहा पाउदैन । दिनेले र लिनेले सहज भए पछि हामी बाहिरकोलाई मतलबको कुरा त होइन तर १५, २०लाख पारिश्रमिक लिए पछि कम्तिमा पनि ५०लाखको दर्शक तान्ने क्षमता राख्नुपर्छ ।’ उनले थपिन् ,’आफ्नो हातमा लाखौलाख निर्माताको हातमा ५ लाख अलि मज्जा आउदैन ।’

फिल्म ‘हजार जुनी सम्म’ को ट्रेलर सार्वजनिक कार्यक्रममा पत्रकारको प्रश्नमा उनले दिएको जवाफ हो यो । हाल सम्म फिल्मको २ गीत र ट्रेलर सार्वजनिक भएको छ । विकास राज आचार्यको निर्देशनमा बनेको फिल्ममा आर्यन बृद्धको भूमिकामा देखिएका छन् ।
फिल्म साउन ३०बाट प्रदर्शनमा आउनेछ।
भिडियो: