फिल्म ‘झिङ्गेदाउ’मा भित्रिइन् आँचल

ज्ञानेन्द्र देउजाको निर्देशनमा बन्ने फिल्म ‘झिङ्गेदाउ’मा मुकुन भुसाल र केकी अधिकारीपछी आंचल शर्मा भित्रिएकी छन् । फिल्ममा केकी र आंचलको उस्तै भूमिका रहेको निर्देशक देउजाले बताएका छन् । फिल्म दाल भात तरकारी पछि आंचल म्युजिक भिडियो मै रमेकी थिइन् । फिल्म अध्ययन गरेर आएका मुकुन भुषाल पहिलो फिल्म बुलबुल मार्फत नै चोपेंद्रको रुपमा चिनिए । छ माया छपक्कैमा ब्यस्त रहेकी केकी अब नया फिल्ममा समेत अनुबन्धित भएकी छन् । साथै उनको निर्माणमा रियालिटी शो ‘कमेडी च्याम्पियन’ प्रशारणको क्रममा रहेको छ ।

सामाजिक कथालेखनमा आफ्नो छुट्टै नाम बनाउन सफल साहित्यकार भीमनिधि तिवारीको ‘झिङ्गेदाउ’ कथामा आधारित रहेर फिल्म निर्माण हुनेछ । फिल्मको सुटिङ सिन्धुली, खोटाङ, दोलखा र काठमाडौँमा गरिनेछ । फिल्ममा अर्जुन पोखरेलले संगीत र प्रदीप भारद्वाजको पटकथा तथा संवाद रहनेछ ।