अब अस्ट्रेलियामा ‘घर’

फिल्म ‘घर’ अस्ट्रेलियामा प्रदर्शन हुने भएको छ । यहि अगस्ट १८मा फिल्मको प्रिमियर हुने भएको हो ।  सिभिक थिएटर हर्सभिल्ला सिड्नीमा साँझ ६बजे फिल्म प्रदर्शन हुनेछ । माग अनुसार अन्य शोहरु पनि हुने वितरक सन्तोष अधिकारीले जानकारी दिएका छन् ।

हरर फिल्म ‘घर’ मा अभिनेता अर्पण थापा, अभिनेत्री द्वय सुरक्षा पन्त र वेनिशा हमालसंगै अस्मिता खनालको मुख्य भूमिका छ । शर्मिला पाण्डेको निर्माण रहेको फिल्म अभिनेता तथा निर्देशक अर्पण थापाले निर्देशन गरेका छन् भने सह-निर्मातामा सन्तोष अधिकारी हुन् । फिल्मको कथा समेत अर्पणले नै लेखेका हुन् । निरज कँडेलको छायांकन रहेको फिल्मले नेपालमा सुखद ब्यापार गरेको छ ।