जितु नेपालको च्विगम मोह (भिडियो सहित)

कलाकार जितु नेपाल चलेका त थिए नै अझ मुन्द्रेको कमेडी क्लबले त उनी अझ चम्किएका छन् । कार्यक्रममा उनी खुव मिठा मिठा कुरा गर्छन्, सरसफाई, व्यक्तिगत आचरण, राजनीति, बिकास अनि अरु धेरै ।

तर उनको बोली र व्यवहार भने फरक देखियो । स्मिता दाहालको गीत सार्वजनिक कार्यक्रममा पुगेका जितुले स्टेजमै च्विगम चपाए । त्यो पनि लामो समय सम्म । धेरै कलाकार र सम्मानित व्यक्तित्वको उपस्थितिमा भएको कार्यक्रममा उनले लाज नै नमानी चपाईरहे ।

अरु त अरु, आफ्नो बोल्ने पालो आए पछि पनि उनले फ्याक्ने कस्ट नगरी मज्जाले चपाउदै बोले । च्विगमलाई अगाडी र पछाडी धकेल्दै ।

कलाकार समाजका रोल मोडल हुन् । दर्शकले उनीहरुबाट धेरै अपेक्षा राखेका हुन्छन् र सिको पनि गर्छन् । त्यहि कारण पनि कलाकार सचेत हुनपर्नेमा नेपाल त लाज नै नमानी अभद्र लाग्ने व्यवहार गरिरहे । उनको च्विगम मोह साच्चै गज्जवको !