जासुस बन्दै अभिनेत्री कंगना

एक्सन थ्रिलर जनरामा बन्ने फिल्म ‘धाडक’ मा कंगना रनावत जासुसको भूमिकामा देखिने भएकी छन् । भारतीय संचार माध्यमका अनुसार उक्त फिल्ममा अनुबन्धित भएको जानकारी कंगना आफैले दिएकी हुन् । ‘धाडक एक एक्सन फिल्म हो र यो धेरै ठूलो फिल्म पनि हो । म फिल्ममा जासुसको भूमिकामा हुनेछु’, कंगनाले भनिन्।

फिल्म रजनीश ‘राजी’ घईले निर्देशन गर्नेछन् । फिल्मका लागि हलिउड एक्सन निर्देशनकको खोजी भइरहेको छ । फिल्मको छायांकन भारतका साथै पूर्वि एशिया, मध्यपूर्व तथा युरोपमा हुनेछ ।

कंगनाको फिल्म ‘जजमेन्टल है क्या’ यहि शुक्रबारबाट प्रदर्शनमा आउदै छ ।