फिल्म ‘साइनो’ को आइटम गीत सार्वजनिक

फिल्म ‘साइनो’ मा समाविष्ट ‘क्या बात छ’ बोलको आइटम गीत सार्वजनिक भएको छ । गीतमा अभिनेत्री नीता ढुंगाना, राज कुमार र राजा राजेन्द्र फिचर्ड छन् । गीतमा किरण भुषालको संगीत, उदय राज पौडेलको एरेञ्ज र मिना निरौलाको स्वर छ । रामजी लामिछानेले गीतको कोरियोग्राफी गरेका हुन् ।

मीरुना मगर गाउले युवतीको भूमिकामा देखिएकी छन् भने नीता ढुंगाना सहरिया बोल्ड युवती ‘राधा’ को रोल निर्वाह गर्दै छिन् । अभिनेत्री भुवन चन्दले  निर्माण गरेको फिल्म ‘साइनो’ साउन २४बाट हलमा आउने छ । फिल्म्मा नीता ढुंगाना, मिरुना मगर को साथमा राज कुमार, भुवन थापा चन्द, बसुन्धरा भुषाल, मदनदास श्रेष्ठ, राजा राजेन्द्र पोखरेल, रोयदिप श्रेष्ठ, श्याम राई लगायतका कलाकारको अभिनय छ । फिल्मलाई रमेश थापाले निर्देशन गरेका हुन ।  फिल्ममा अभिमन्यु निरवीको लेखन र रामशरण कोइरालाको मुख्य सहायक निर्देशन छ ।