‘डक्टर डेनिम’ को ब्राण्ड एम्बासडर प्रेम गीत ३का मनिष

प्रेम गीत ३ मार्फत नेपाली फिल्म जगतमा डेब्यु गर्न मनिष राउतलाई ब्रान्ड एम्बेसडर बनाउँदै एक क्लोथिङ्ग ब्राण्ड आउने तयारीमा रहेको छ । ‘डक्टर डेनिम’ नामक उक्त ब्राण्डले भदौ महिनादेखी बिक्रि शुरु गर्ने ब्राण्डका सुमन गौतमले बताए । ‘हामीले ‘प्रेम गीत ३’ सम्बन्धित विभिन्न सामग्रीहरु हेरेपश्चात उहाँलाई ब्राण्ड एम्बेसडरको रुपमा लिएका हौँ । अहिले देखी नै उहाँको चर्चा र लुक्सबाट हामी एकदमै प्रभावित छौँ । अबको पाँच बर्षमा ‘डक्टर डेनिम’ र मनिष राउत सँगै यो देशका स्टार बन्नेछन्’, गौतमले बताए ।

पुरुषहरुका लागि हरेक प्रकारका कपडाहरुको बिक्रि गर्ने ‘डक्टर डेनिम’ ब्राण्डले महंगो रकममा मनिषलाई एम्बेसडर बनाएको छ । नेपाल तथा अन्य केहि मुलुकमा एकसाथ आउने लागेको ‘डक्टर डेनिम’सँग पाँच बर्षको लागि उनी आवद्द भएका हुन् । ‘म आँफै अचम्ममा परेको छु कि मैले कुनै पनि फिल्ममा अभिनय नगर्दै मेरो डिमाण्ड भईसकेछ । चलचित्र रिलीज भएपछि के हुन्छ थाहा छैन तर यसबाट मैले धेरै मेहनत गर्नुपर्ने जिम्मेवारी थपिएको छ’, मनिषले भने । ‘डक्टर डेनिम’ लाई नेपालको नम्बर एक जेन्ट्स् क्लोथिङ्ग ब्राण्डको रुपमा अगाडी लैजान आफुले भरपुर मेहनत गर्ने मनिषले बताए ।