फिल्म ‘लभ यु हमेशा’ टिजर, पोष्टर र प्रदर्शनमिति

निर्माण टिमले यशराज गराच, ऋचा थापा र फिजा योन्जन स्टारर फिल्म ‘लभ यु हमेशा’को टिजर र पोष्टर सार्वजनिक गर्दै नयाँ प्रदर्शन मिति पक्का गरेको छ । भाद्र ६ गतेबाट प्रदर्शनको तयारीमा रहेको फिल्म अब भाद्र २७ गतेबाट प्रदर्शनमा आउने भएको छ ।

फिल्म भाष्कर प्रधानले निर्देशन गरेका हुन् । धर्मा क्रिएसनको ब्यानरमा निर्माण भएको फिल्मका प्रस्तुतकर्ता यवन गुरुङ हुन् भने फिल्ममा मिलन गुरुङ सह-निर्माताको रुपमा रहेका छन् । ‘लभ यु हमेशा’मा यशराज गरच, ऋचा थापा र फिजा योन्जन अलवा शिसिर राणा, गोपाल ढकाल (छन्दे), पिटी योल्मा, प्रमिला राई, सल्देन तामाङ लगायतका कलाकारको पनि अभिनय रहेको छ ।

फिल्ममा निर्देशक भास्करकै कथा, शिब ढकालको छायांकन, एनबि महर्जनको द्धन्द्ध निर्देशन, भासुको संगीत, कमल राईको कोरियोग्राफी र मिलन श्रेष्ठको सम्पादन रहेको छ ।