‘च च हुई’ प्रदर्शन मिति तय

एजीएल इन्टरटेनमेन्टको ब्यानरमा निर्माण भएको कमेडी जनरको फिल्म ‘च च हुई’ को प्रदर्शन मिति सार्वजनिक भएको छ । कात्तिक २९ मा रिलिज गर्ने तयारीमा रहेको उक्त फिल्म निर्माता अमृत घोले लामा र वितरक कम्पनी एफडीबीच सम्झौता पछि एक हप्ता पछाडि धकलिदै मंसिर ६ गतेबाट प्रदर्शनमा आउने भएको छ ।

डेब्यु फिल्म ‘लेटर’ बाट नै दर्शक माँझ नोटिस भएका निर्देशक साम्तेन भुटियाको निर्देशनमा तयार भइरहेको उक्त फिल्ममा आर्यनको रोमान्ससँगै कमेडी पनि देख्न सकिने छ । तान्द्रो ,अनागत , सुस्केरा र साढे सात निर्देशन गरिसकेका साम्तेन यसपटक कमर्सियल फिल्म निर्देशन गरिरहेका छन् । हरेक फिल्ममा कथावस्तु फरक भएता पनि उनले उस्तै प्रकृतिको फिल्म निर्देशन गरिरहेको आरोप उनलाई यदाकदा लाग्ने गरेको थियो , त्यसैले पनि उनले यसपटक भिन्न किसिमकै फिल्म निर्देशन गरिरगेका छन् ।

फिल्ममा नायक आर्यन सिग्देल , मिरुना मगर , माओत्से गुरुङ , भोला राज सापकोटा ,पुस्कर गुरुङ ,बबिता मल्ल लगायत कलाकारहरुको अभिनय रहेको छ । फिल्मको टिम हङकङ पछि नेपाल फर्किएर गीतको छायाँकन गर्ने र छिटै नै रिलिज डेट पनि घोषणा गर्ने निर्माता अमृत घोले लामाले जानकारी दिएका छन् । फिल्मलाई सिजन दाहाल र संदेश अर्यालले लेखेका हुन् । फिल्ममा चर्चित संगीतकार राजनराज शिवाकोटी र रोशन थापाको संगीत रहेको छ ।