फिल्म ‘एकलब्य’ को गीत सार्वजनिक

फिल्म एकलब्यको ‘मलाई बनायौ किन’  बोलको गीत सार्वजनिक भएको छ । गायिका मेलिना राई र गायक युवराज चौलागाईको स्वर रहेको उक्त गीतमा राजेन्द्र बजगाईको शब्द तथा संगीत रहेको छ भने शैलैन्द्र प्रधान (बाबु)को संगीत संयोजन रहेको छ । सोनाम थापा मगर र ओसिन भट्टराईलाई फिर्चड गरिएको उक्त गीतको भिडियोमा उनीहरुलाई रोमान्टिक मुडमा देख्न सकिन्छ ।

केहि समय अघि फिल्मको ट्रेलर सार्वजनिक गरिएको थियो भने अहिले फिल्मको गीत सार्वजनिक गरिएको छ । फिल्मलाई अनमोल शर्माले निर्देशन गरेका हुन् भने उक्त फिल्म उनको डेब्यु फिल्म हो । फिल्ममा सोनाम थापा मगर , ओसिन भट्टराई , महिमा सिलवाल, पुष्कर राउत, सुशील पोखरेल, शुष्मा कार्की, राजेन्द्र दुलाल, बिराग लोगुन लगायतका कलाकारहरुको अभिनय रहेको छ । फिल्ममा भोजराज देवकोटाको पटकथा संवाद रहेको छ भने कृष्ण श्रेष्ठको छायाँकन रहेको छ । फिल्ममा राजेन्द्र दुलाल, सोनाम थापा मगर र अभी थापाको संयुक्त निर्माण रहेको छ । फिल्ममा कविराज गहतराज र रामजी लामिछोनेको कोरियोग्राफी रहेको छ भने राजेन्द्र बजगाईंको संगीत रहेको छ । फिल्म साउन १० गतेबाट प्रदर्शनमा आउदै छ ।