सिके राउतको बायोपिकमा परदेशी

डाक्टर सिके राउतको जीवनीमा फिल्म बन्ने भएको छ । ‘डाक्टर सिके राउत दि प्यासन’ नाममा बन्ने फिल्ममा आधा कथा सत्य र आधा काल्पनिक हुनेछ । विजेता गिरीको प्रस्तुति रहने फिल्मलाई राधिका इन्टरनेशनल मुभिजले निर्माण गर्दैछ ।

बाबुको लगानीमा बन्ने फिल्म सन्तोष शाहले निर्देशन गर्दैछन् । भोजपुरी कलाकार परदेशी शाहले सिके राउतको भूमिका निर्वाह गर्नेछन् । फिल्ममा ध्रुव कोइराला, पुकार भट्टराई, विशाल पहाडी, किरण थापा लगायतको अभिनय रहनेछ । फिल्ममा पवन गौतमको छायांकन, रेवन्त विक्रम थापाको एक्सन, रामजी लामिछाने र लिगेश भट्टराइको कोरियोग्राफी रहनेछ । फिल्म यहि छैठबाट प्रदर्शनमा आउने छ ।