सुटिंगको क्रममा वरुण धवन घाइते

फिल्म छायांकनको क्रममा वरुण धवन घाइते भएका छन् । फिल्म ‘स्ट्रीट डान्सर ३डी’ क्लाइमेक्स सीनको छायांकन प्राक्टिसको क्रममा उनी घाइते भएका हुन् । उनको घुडामा गम्भीर चोट लागेको छ। बरुण फिल्मका लागि गाह्रो स्टेपको प्राक्टिस गरिरहेका थिए। मंगलवार बालकलाकारका साथमा प्राक्टिस गरिरहेको बेलामा अचानक लडेर उनी घाइते भएका हुन् ।

उनको साथमा राहुल शेट्टी, धर्मेश र टशन समेत थिए । चोट लागेपछि सुटिंगबाट केहि समय ब्रेक लिन आग्रह गरे पनि उनले इन्कार गरेका छन् । फिल्ममा बरुणका साथमा श्रद्धा कपूर र नोरा फतेही देखिदैछिन् । फिल्म भूषण कुमार, दिव्या खोसला कुमार, कृष्ण कुमार र लिजेल डिसूजाले निर्माण गरेका हुन् । फिल्म २०२० जनवरी २४देखि प्रदर्शनमा आउदैछ ।