सौगात अभिनित फिल्म ‘माछा माछा’ प्रदर्शन मिति तय

फिल्म ‘माछा माछा’ को प्रदर्शन मिति तय भएको छ । फिल्ममा सौगात मल्ल, बिजय बराल र अनोज पाण्डेको मुख्य भूमिका रहेको छ ।

सुनिल गुरुङको लेखन तथा निर्देशनमा तयार भएको फिल्म कात्तिकको २९ गतेबाट प्रदर्शनमा आउने छ । फिल्मको प्रदर्शन मितिसँगै यसको फस्टलुक पनि सार्वजनिक भएको छ । फिल्ममा नायिका नम्रता श्रेष्ठको पनि मुख्य भूमिका छ । मणिराम पोखरेल कार्यकारी निर्माता रहेको फिल्मलाई सिनेमा आर्ट र नौमती इन्टरटेन्मेन्टको ब्यानरमा रामबाबु गुरुङ र दयाहाङ राईले निर्माण गरेका हुन् । फिल्ममा अनुपम शर्माको संगीत,  निमेष श्रेष्ठको सम्पादन, शिवराम श्रेष्ठको छायांकन र सुनिल गुरुङको लेखन छ ।