रमितलाई हिरोइन पाउनै ठूलो कुरा भयो

रमित ढुंगाना अहिले चल्तीका अभिनेता होइनन् । रमितलाई फिल्ममा लिएर काम गरेर लगानी उठाएर मख्ख पर्न निर्माताले सोच्दैनन् ।

अभिनेता रमित ढुंगानालाई राजा साहेब बनाएर फिल्म बन्दैछ । फिल्ममा रमितको अवतार नै फरक रे ।

रमितलाई लिएर १८ लाख पारिश्रमिक दिएर फिल्म बनाइहाल्ने सुरसार थियो निर्माण गर्नेको । तर, भएन यस्तो ।

रमितका लागि हिरोइन पाउन नै गाह्रो भयो । रमितका लागि फिल्ममा चलेकादेखि चल्दै गरेका सबैलाई अफर गरियो । काम गर्न मान्ने भेटिएनन् । रमितसँग फिल्म खेलेर चलिन्न भन्ने लाग्यो होला ।

बल्ल बल्ल रमितका लागि हिरोइन भेटिएको छ । सोनिका केसी र आइशा राइलाई हिरोइन बनाइएको छ । फिल्मको छायांकन अब होला ।

तर, रमितका लागि हिरोइन पाउनु नै राम्रो कुरा भयो भनेर निर्माता निर्देशक यतै अल्झिए भने त बर्बाद पनि हुन्छ । हिरोइन पाएपछि रमितले फिल्म पनि राम्रो बनाउनतर्फ ध्यान दिनुहोस् है । फेरि हिरोइन पाइयो भनेर यसमै मख्ख परेर बस्नुहोला ।