‘आज नगद भोली उधारो’ मा दीपा र आर्यन

फिल्म ‘हजार जुनीसम्म’ को गीत ‘आज नगद भोली उधारो’ सार्वजनिक भएको छ । गीतमा दीपा श्री निरौला सगै आर्यन सिग्देललाई देख्न सकिन्छ । आर्यन, दीपा र शिवहरी पौडेलको नृत्य रहेको गीतमा भट्टी पसलकी साहुनीको भूमिकामा दीपा छिन् भने आर्यन बयष्क पुरुषको भूमिकामा देखेका छन् । कविराज गहतराजले कोरियोग्राफी रहेको गीतलाई पुरुषोत्तम प्रधानले छायांकन गरेका हुन् । गीतमा बसन्त सापकोटाको शब्द तथा संगीत, प्रल्हाद तिमिल्सिना, मिना निरौला र दीपाश्रीको स्वर छ ।

फिल्ममा स्वस्तिमा खड्का, नव–नायक अक्की प्रधान, कलाकार शिवहरि पौडेल, उत्तम केसी लगायतको अभिनय रहेको छ । नाई नभन्नु ल सिरिजका निर्देशक विकासराज आचार्यको निर्देशन रहेको फिल्मको पटकथा सामिप्यराज तिमल्सेनाले तयार पारेका हुन् । फिल्ममा संचिता लुइँटेल , अनुभव रेग्मी लगायतको पनि अभिनय रहेको छ । फिल्ममा उदयराज सोताङ्ग, राजनराज सिवाकोटी, बसन्त सापकोटा र प्रविन पौडेलको संगीत, अर्जुन जिसीको सम्पादन छ । कविता रेग्मी फिल्मकी कार्यकारी निर्माता हुन् भने यसमा विशाल चाम्लिङ निर्माता छन् । फिल्म साउन ३०बाट प्रदर्शनमा आउने छ ।