‘सानो मन’ प्रिमियर सम्पन्न : धेरैलाई रुवायो (फोटो सहित)

बिहिवार साँझ राजधानीमाफिल्म ‘सानो मन’ को भव्य प्रिमियर सम्पन्न भएको छ । करिव पाँच सय जनाको उपस्थितीमा भएको प्रिमियर पछिको प्रतिक्रियाका कारण फिल्म यूनिट उत्साहित थियो ।

सञ्चारकर्मीहरुसँग कुरा गर्दै निर्देशक सुयोग गुरुङ्गले भने, ‘फिल्म हेरेपछि पाएको प्रतिक्रियाले मलाई नर्भस बनाएको छ । मेहनतको कदर हुँदा खुशीले बोल्नै आईरहेको छैन । मैले मेरो क्षमताको साठी प्रतिशत मात्र काम गरेको छु जस्तो लागेको थियो तर मैले सय प्रतिशत नै काम गरेको रहेछु भन्ने भईरहेको छ । फिल्मक्षेत्रका चर्चित व्यक्तिहरुले चलचित्र हेरेपछि मलाई अँगालो हालेर रुनुभयो । यसबाट मैले केहि राम्रो गरेको रहेछु भन्ने महशुस भयो ।

फिल्म आजबाट देशैभरका मल्टिप्लेक्स सहित सिंगल स्क्रिनहरुमा एकसाथ रिलीज भएको छ । फिल्ममा आयुष्मान देशराज जोशी, शिल्पा मास्के, सक्षम सुवेदी,  गौरी मल्ल,  विशाल पहारी, शिशिर वाङदेल,  रश्मी भट्ट,  देव कुमार श्रेष्ठ लगायतका कलाकारहरुको अभिनय छ । यसै फिल्मबाट निर्देशक गुरुङ्ग निर्देशनमा आएका हुन् । आलोक शुक्लाको डि।ओ।पि। रहेको फिल्मलाई सुयोग गुरुङ र मिलन श्रेष्ठले सम्पादन गरेका छन् । समिर सुनुवार र निर्देशक गुरुङको संयुक्त लेखन रहेको छ । ओ।पि।जी फिल्मस्, ए प्लस इन्टरटेन्मेन्ट र हाई टेक इन्टरटेन्मेन्टले संयुक्त लगानी गरेको यो फिल्मका निर्माताहरू योगेश गुरुङ, राजीव श्रेष्ठ, रमेश के। मित्तल र राजेन्द्र मानन्धर हुन् । रित बोहरा मुख्य सहायक निर्देशक हुन् भने प्रोडक्सन म्याजेनर यम प्रसाद ओली हुन् ।