रेनाशाको जन्मदिनमा रेखाको फिल्म घोषणा : एकसाथ काम गर्दै

रेखा थापा र रेनाशा राइले सहकार्य गरेका छन् । आफ्नो आगामी फिल्मका लागि फिल्मकर्मी रेखा थापाले कोरियोग्राफर तथा निर्देशक रेनाशा वान्तवा राईलाई निर्देशनको जिम्मेवारी सुम्पेकी हुन् । राईको जन्मदिनको अवसर पारेर यी दुई बीच लिखित सम्झौता भएको छ । फिल्ममा अभिमन्यु निरवीको स्क्रिप्ट रहने छ ।

रेनाशाले यस अघि फिल्म इन्टु मिन्टु लण्डनमा निर्देशन गरेकी छन् भने यो उनको दोश्रो निर्देशकीय फिल्म हुनेछ  । रेखा थापाको यस अघि फिल्म मालिका प्रदर्शन भएको थियो भने यो छैटौ फिल्म हुनेछ । फिल्म सम्बन्धि अन्य जानकारी रेखाले केहि समय पछी दिने कुरा सामाजिक संजालमार्फत जानकारी गराएकी छन् ।