सफल फिल्म निर्देशक अरुको फिल्ममा नाच्दै

दीपा श्री निरौलाले ३ सफल फिल्म निर्देशन गरिसकेकी छन् । सफल महिला निर्देशक मात्र नभएर समग्र मै सफल निर्देशकको छवी बनाएकी उनी अहिले भने आइटम गीतमा नाचेर बसेकी छन् ।

बिकाश राज आचार्यको फिल्म ‘हजार जुनी सम्म’ को आइटम गीत ‘आज नगद भोली उधारो’ मा भट्टी पसल साहुनीको भूमिकामा उनले नृत्य गरेकी छन् । उनको साथमा शिव हरि पौडेल र आर्यन सिग्देल देखिने छन् ।

उनको टिम कै अभिनय रहेको, रोहित अधिकारी निर्माता रहेको फिल्म ‘छ माया छपक्कै’ मा उनी निर्देशकको रुपमा अटाइनन् ।फिल्म निर्देशन गर्दै छन् दिपेन्द्र लामाले ।

सफल फिल्म दिएकी दीपाले अरुको फिल्मको गीतमा नाच्न पर्ने दिन कसरी आयो होला त ? के उनी अब अरुको फिल्मको एक दुई सिन, गीतमा चित्त बुझाउदै बस्ने हो र ? अब दर्शकले दमदार फिल्म उनीबाट अपेक्षा गर्ने कि नगर्ने ?