फिल्म ‘झिङ्गेदाउ’मा मुकुन र केकी फाइनल

ज्ञानेन्द्र देउजाको निर्देशनमा बन्ने फिल्म ‘झिङ्गेदाउ’मा मुकुन भुसाल र केकी अधिकारी लिड रोलमा देखिने भएका छन् । फिल्म बुलबुल मार्फत फिल्म डेब्यु गरेका मुकुन चोपेंद्र भुषाल नामले परिचित छन् ।  त्यस्तै धेरै फिल्ममा अभिनय गरे पनि सफल फिल्म दिन असफल केकी अधिकारी उनको जोडीको रुपमा देखिने पक्का भएको हो ।  फिल्ममा असफल भए संगै उनी आफैले निर्माण गरेको फिल्म ‘कोहलपुर एक्सप्रेस’ ले समेत चोरीको आरोप खेपेको थियो ।  छ माया छपक्कैको छायांकन कै कर्ममा रहेकी केकी अब नया फिल्ममा समेत अनुबन्धित भएकी छन् ।

सामाजिक कथालेखनमा आफ्नो छुट्टै नाम बनाउन सफल साहित्यकार भीमनिधि तिवारीको ‘झिङ्गेदाउ’ कथामा आधारित रहेर फिल्म निर्माण हुनेछ ।  फिल्मको सुटिङ सिन्धुली, खोटाङ, दोलखा र काठमाडौँमा गरिनेछ । फिल्ममा अर्जुन पोखरेलले संगीत र प्रदीप भारद्वाजको पटकथा/संवाद रहनेछ ।