लगानीकर्ताबिनै नीताको फिल्मको नाम सार्वजनिक

३ वर्ष अगाडी फिल्म निर्माण घोषणा गरेकी कलाकार नीता ढुंगानाले अन्तत फिल्मको नाम सार्वजनिक गरेकी छन् । फिल्मको कथाबस्तुसंग मिल्ने भन्दै ‘मम हन्टिंग’ नाम राखेकी उनले नाम परिवर्तन हुन सक्ने सम्भावना समेत जाहेर गरिन् ।

कोशिश क्षेत्रीले स्क्रिप्ट तयार गरेका छन् भने फिल्म निर्देशन गर्दै छन् समुन्द्र भट्ट ।  कलाकारको लागि पनि कुरा भैरहेको बताउने नीताको फिल्मको अफिसियल अनाउन्स्मेन्ट भने भएको छैन । सम्पूर्ण तयारी भए पनि फिल्मका लागि लगानी गर्ने मान्छे नभेटिएकोले फिल्म छायांकनमा नगएको फिल्मी वृत्तमा गाइगुइ चल्ने गरेको छ । अनि कसरी तयार होला र फिल्म लगानी बिना नै ? फेरी नाम पनि फाइनल भएको छैन । फिल्म निर्माण सहज नरहेको नीतालाई पक्कै लागेको हुनुपर्छ ।