फिल्म प्रदर्शनको ५१औ दिनमा माझी बस्ती निर्माणमा सहयोग

फिल्म जात्रै जात्राले शनिबार काठमाडौं उपत्यकाका ७ वटा फिल्म हलमा प्रदर्शनको ५१औ दिन मनाएको छ । फिल्मले काठमाडौंको क्युएफएक्स अन्तर्गत सिभिल मल र लविम मल,  एफक्युव केएल टावल चावहिल, गोपिकृष्ण मूभिज चावहिल, गुण सिनेमा ग्वार्को, बिएआर सिनेमा गोंगबुमा र अष्टनारायण सिनेमा बालाजुमा सफल प्रदर्शनीको ५१ दिन मनाएको हो । ५१ दिन पुगेको अबसरमा निर्माण टिमले काठमाडौंको सोल्टी होलटस्थित प्रिभ नेपाल डिस्को थिएटरमा पार्टी आयोजना गरेको थियो ।

फिल्मको ५१ दिनको सफलतामा अभिनेत्री श्वेता खड्कालाई सिन्धुपालचोक स्थित माझी नमूना बस्ती निर्माणका लागि टिमका तर्फबाट १ लाख ११ हजार १११ रुपैयाँ सहयोग प्रदान गरेको छ । साथै कार्यक्रममा फिल्मका सहयोगीहरुलाई प्रमाणपत्र पनि प्रदान गरियो ।