फिल्म ‘गोर्खे’ प्याकअप

कोजु ईन्टरटेन्टमेनको ब्यानरमा हरि लामाको प्रस्तुति र तिर्थ राम कोजु र हरि थापाको निर्माणमा तयार भएको फिल्म ‘गोर्खे’ को छायांकन सकिएको छ ।  बुधबार ललितपुरको चापागाउँ स्थित बज्रबाराही मन्दिरको जंगलमा फिल्मको अन्तिम छायांकन गरिएको हो । पाल्पा , बर्दघाट, धम्पुस, पोखरा र काठमाण्डौ स्थानहरुमा छायांकन गरिएको यस फिल्मलाई शंकर महर्जनले निर्देशन गरेका हुन् । हिमाल के सीको द्वोन्द निर्देशन रहेको फिल्मले गोर्खे बन्ने सपना बोकेका ५युवाहरुको कथालाई फिल्ममा देख्न पाईने निर्माता हरि थापाले बताए ।

सौरब लामा र निरज कंडेलले खिचेको फिल्मको कथा काजी लिम्बुले लेखेका हुन् ।  करिब ४५ दिनमा छायांकन सकिएको यस फिल्म्न्कोको गित ‘सिन्के अचार’ निकै हिट छ । छिन्दु पाख्रिन र हरि लम्सालको संगीत रहेको यस फिल्ममा रबिन्द्र प्रताप सेन,अन्जली अधिकारी,अर्जुन गुरुङ्ग,आश्मी लामा,आश्मी श्रेष्ठ,एन्जेल श्रेष्ठ ,बाल्दिप राई लगायतकाको अभिनय रहेको छ । नेपाल प्रदर्शन मिति तय नभएको यस फिल्मको चाडै नै अस्ट्रेलिया र अमेरिकामा शो हुने निर्माता हरि लामाले बताएका छन् । मित्र डी गुरुङको सम्पादन रहेको यस फिल्मको बितरण जिम्मा भने सुनिल मानन्धरले लिएका छन् ।