ऋचालाई प्रदिपको आशा

अभिनेत्री ऋचा शर्मालाई निर्देशक प्रदिप भट्टराइले फिल्ममा लेलान् भन्ने आशा लाग्न थालेको छ । तीन वटा फिल्म हिट दिएपछि प्रदिपलाई हिट फिल्म दिने मेसिन मानिन थालिएको हो । हिट फिल्म दिने मेसिन मानिएपछि असफल फिल्मले वाक्क हुने कलाकार काम गर्न चाहन्छन् यस्ता निर्देशकसँग ।

ऋचाले मुख खोलेर भनिदिएकी छिन्, उनी प्रदिपसँग काम गर्न चाहन्छिन् । प्रदिपले बर्षा राउतलाई रिप्लेस गर्ने हिरोइन खोजी गर्लान् जस्तो त अहिले देखिन्न तर ।

सुनकेशरी फिल्म बनाएर डुबेपछि ऋचा व्यवसायमा लागेकी छिन् । ऋचा रियालिटी शोको जर्ज हुदैछिन् । ऋचालाई फिल्ममा राम्रो अभिनय गरेर पनि काम विहिन भएको दर्शकले हेरेका छन् । यो त पीडा हो । राम्रो काम गर्दा पनि नचलेर काम विहिन हुनु त कलाकारले सोच्न पर्ने कुरा भयो । अब, ऋचा हिट फिल्मका निर्देशकसँग मुख खोलेर काम गर्न मन लागेको बोल्न थालेकी छिन् ।