समलिंगीको भूमिकामा देखिदै प्रियंका र सृष्टि

प्रियंका कार्कीले वेब सिरिज निर्माण गर्ने भएकी छन् । उनले आफ्नै कम्पनी प्रिंकलेबल पिक्चर्सबाट सिरिज निर्माण गर्न लागेकी हुन् । सिरिजको फस्टलुक पोस्टर सार्वजनिक गरिएको छ । पोस्टरमा प्रियंका र सृष्टि श्रेष्ठ फिचर्ड छन् ।

‘जस्ट एनोदर लभस्टोरी’ नामक सिरिज प्रियंकाले आफ्नै युट्युब च्यानल मार्फत लन्च गर्दै छिन् । उनको १५ देखि १८ मिनेटसम्मका आठ भागमा सिरिज निर्माण गर्ने लक्ष्य छ । यो सिरिज प्रियंकाको पहिलो निर्माण र निर्देशकीय डेब्यु हो । समलिंगी कथालाई सिरिजले सम्बोधन गर्छ ।